Toi Tipu Toi Rea - Te Tahua Ringatoi Autaia Māori

Ina tono āwhina i Te Tahua Ringatoi Autaia Māori o Toi Tipu Toi Rea me:

• Māori. Waihoki,
• Kirirarau nō Aotearoa, me noho pūmau rānei ki Aotearoa
• Ringatoi autaia
• Kauaka e whiwhi takuhe i tētahi o ngā kōwhiringa o mua a Te Tahua Ringatoi Autaia Māori o Toi Tipu Toi Rea.

Ki te pīrangi tono koe ki Toi Tipu Toi Rea, heoi, kāore koe i te tino mōhio mēnā rānei ka eke i a koe ngā paearu e toru nei, tēnā whakapā atu ki a Te Ōtinga Hohaia, Kaitohutohu Tahua, Ngā Toi Māori.

Īmērahia ia - teotinga.hohaia@creativenz.govt.nz, waeahia atu rānei tana waea harihari 027 687 8166, whakaritea rānei he wā ki te kōrero tahi me Te Ōtinga mā te ipurangi

Te takahi whakaaetanga

Kāore e taea e koe te tono mēnā e takahi ana koe, tō rōpū rānei, tētahi o ngā mema matua o tō ohu rānei i ngā here o tētahi whakaaetanga tahua o te wā nei.

Mo ētahi atu pārongo e pā ana ki ngā whiu mō te takahi i tētahi whakaaetanga tahua, tirohia ngā Aratohu - Māraurautanga

He pūtea mo ngā ringatoi autaia Māori rānei, mo ngā kaimahi toi rānei kātahi anō ka whai umanga ki te pīkau i tētahi whakatakanga toi.

He $5,000-$10,000 ngā takuhe a Toi Tipu Toi Rea hei tautoko i:

• te whakawhanake pūkenga (whakaruruhautanga, ngā wheako mahi, ngā nōhanga, ngā awheawhe, ngā wānanga)
• ngā rangahautanga, te waihangatanga, te whakawhanaketanga rānei o ngā mahi toi
• ngā tuhinga, ngā kōrerorero, ngā wānanga, me te whakaputu kōrero
• te whakakitenga, te whakaataatatanga me te whakaaturanga o ngā mahi
• te whakaputanga (ngā rārangi, ngā tuhinga arotahi, ngā hautaka, ngā pukapuka me ngā tuhinga arohaehae)

Ko ngā utu anake ka āheia te tono ko ērā i hua ake i te tīmatanga tae noa ki te mutunga o te whakatakanga. Kāore mātou e whakaea i ngā utu o te wāhipa, o te wāheke rānei.

Mō ētahi mahinga ka whakaea noa iho mātou i ētāhi o ngā utu. Tirohia ngā Aratohu - Ngā Mahinga

Rārangi wā whakatakanga

Me ū tāu whakatakanga: 

• Ki te tīmata ā muri i te 17 Noema 2022
• Kia oti i mua i te 31 Tīhema 2023

Ngā hua ki ngā toi o Aotearoa

Me hāngai ngā hua o tāu whakatakanga, āu mahinga rānei ki ngā toi, ki ngā ringatoi, ki ngā kaimahi toi rānei o Aotearoa.

Ngā whakatakanga kāore e utua

Tirohia ngā Aratohu - Ngā whakatakanga kāore e utua

Rēhita, takiuru rānei ki tō pūkete Tomokanga Toi Aotearoa e tono ai mā te pukatono ā-ipurangi

Tukuna tāu pukatono i mua i te 1:00 pm, 11 Oketopa 2022 (kia wawe rānei te tuku).

Ki te pīrangi āwhina ā-hangarau koe ki te waihanga i tō pūkete Tomokanga Toi Aotearoa, ki te whakamahi rānei i te pukatono ā-ipurangi, imērahia portal@creativenz.govt.nz

Mēnā he herenga uru ōu, tēnā kia wawe te whakapā mai e pai ai tā mātou tautāwhi i a koe.

Te tono anō i tētahi whakatakanga kua whakakāhoretia kētia

Ka āhei te tono anō i tētahi whakatakanga kua whakakāhoretia kētia, engari me uaua ka whakaaengia. Tirohia ngā Aratohu - Te tono anō i tētahi whakatakanga kua whakakāhoretia kētia

Ko ngā tono kua angitu, i angitu ai nā te:

• mārama me te poto o ngā whakamahuki mō āu mahi, te hiringa o te kaupapa, he aha hoki ngā tukunga iho e whāia nei e koe, ā, tutuki noa.
• mārama o te takoto o te mahere me te tukanga e tutuki ai tāu nā e whai nei - kaua ko te rārangi wā noa iho, engari ia ko te hononga o ētahi atu tāngata ki te whakatakanga. He tini ngā kaimahi autaia ka whakawhirinaki atu ki ētahi mātanga toi hei pou hāpai i a rātou ki te whakawhanake i ā rātou mahi. He pai kia mārama he aha koe i kōwhiri ai i tō kaiwhakaruruhau, ka pēhea tā rātou tautāwhi i a koe, ā, he aha hoki te āhua o taua tukanga rā.
• He ariroa te tahua e whakatakoto ana i:
  • te utu o tāu whakatakanga;
  • e tika o te utua ōu (ō ētahi atu rānei); ā
  • ētahi atu moni, tautoko ā-hapori rānei.

Tirohia tā mātou tātauira tahua me ngā aratohu mo ētahi atu āwhina.

Koinei ngā pārongo ka kitea e ngā kaitono i te wā ka whakatūwherahia te pukatono.

He aha: te huatau

• He aha tāu e oke nei? Ka whakapaua te tahua ki te aha?
• He aha te tikanga/te ranga wairua mō tēnei whakatakanga? He aha i hirahira ai tēnei whakatakanga i tēnei wā?
• He aha ngā hua e whāia ana kia tutuki i a koe? He aha te kawekawe o tāu whakatakanga ki āu mahi/ki tāu umanga/ki te momo toi, ki te hapori rānei?

Ka pēhea: te tukanga

• Tautuhia mai ngā hātepe me te rārangi wā o tāu whakatakanga.

Ko wai: ngā tāngata

Kōrero mai mō:

• te hunga matua, ngā rōpū rānei ka pīkau, ka rato hoki i te whakatakanga (he kōrero mōu anō hoki), ō rātou tūranga, mahi rānei, ā, whakarāpopotohia ngā kōrero mō ō rātou mātauranga, pūkenga, wheako hoki.
• te hunga, ngā hapori mō rātou te whakatakanga, ā, he aha ngā hua ki a rātou.

He aha te utu: Te tahua

• E hia katoa te moni e tonoa nei e koe i Toi Aotearoa, he aha hoki te tapeke o te utu mō tāu whakatakanga?

Me tuku mai e koe he tahua āmiki mō te whakatakanga.

Rauemi tautoko

Koinei te wāhanga e taea ai te tāpiri pārongo ki ngā tono.

Kia kati te kōwhiringa ka hihiratia e ngā kaimahi te māraurautanga o tāu tono, i mua i te aromatawai aropā.

Ka aromatawaingia tāu tono e ētahi kaiaromatawai rāwaho. Ka riro i a rātou ngā tono me te whakarau kakai i ngā tono e māraurau ana.

Mo ia whakautu ki ngā pātai ā-tono ka whai whakaaro rātou ki te taumata e noho ai te ringatoi autaia:

• Moana: Kua tīmata i tana hīkoi, nō reira me whai āwhina kia whanake ai tana pito mata
• Whenua: E whanake haere ana ki te taumata i whakatauria mo te kaimahi toi autaia
• Awa: Kei te taumata i whakatauria mo te ringatoi autaia
• Maunga: E whanake ana ngā whakaaro, e auaha ana, e rato ana rānei ki tua o te taumata i whakatauria mo te ringatoi autaia
• Rangi: E ngaruru ana ki tua noa atu i te taumata i whakatauria mo te ringatoi autaia.

Ka hui ngā kaiaromatawai, ka noho hei paewhiri ki te matapaki i ngā tono katoa, ā, ka arohia ngā tauākī e rima hei whakataki i ā rātou kōrero.  Ka noho atu hoki ngā kaimahi o Toi Aotearoa ki te paewhiri ki te tuku kupu āwhina, mēmea e hiahia ana.

Ki tēnei hui ā-paewhiri tūtohungia ai e ngā kaiaromatawai ngā pukatono me whakawhiwhi ki ngā pūtea taunaki i tēnei kōwhiringa.

Mā te paewhiri ēnei tūtohunga e tuku ki te Kaiwhakahaere Matua o Toi Aotearoa - Te Kaupapa o Toi Aotearoa, ā, māna ngā tūtohunga rā e whakamana ki tā te tahua i āhei i tēnei kōwhiringa.

Mā mātou koe e whakamōhio ki te tukunga iho o tāu tono ā te 17 o Noema 2022.  Ka pānuitia te kaitono momoho ki tā mātou whārangi Tukunga Iho.

Ki te momoho tāu tono, ka whakapā atu mātou ki a koe mō:

• Te whakaaetanga tahua
• Ngā taipitopito utu
• Ngā here ā-rīpoata. Tirohia ngā Aratohu - Rīpoata

Ka tāpirihia e mātou tā ngā kaiaromatawai whakahoki kōrero  ki tāu pānui tukunga iho. 

Mō ētahi atu pārongo, kupu āwhina, ki te matapaki rānei i tāu whakatakanga, tēnā whakapā atu ki a Te Ōtinga Hohaia, Kaitohutohu Tahua Ngā Toi Māori: teotinga.hohaia@creativenz.govt.nz / WH: 027 687 8166 Whakaritehia rānei he wā ki te kōrero ā-ipurangi ki a Te Ōtinga

Te Ōtinga Hohaia

Ko Tokerau te maunga. Ko Tokerau te moana. Ko Hiruhārama hou, Ko Whitiora marae tū mai ra – Te Tii Mangonui. Ko ngā Mātua ko Ngāti-Rēhia.  Ko Ngāpuhi-nui-tonu ahau.

Nō te 2021 piri mai ai a Te Ōtinga ki Toi Aotearoa, ā, ko tāna, he tautoko i ngā whakahaerenga mo ā mātou hōtaka ā-tahua.   

Ko tā Te Ōtinga he kōrero tohutohu, he āwhina hoki i ngā kaitono i te roanga o te tukanga whai takuhe, he arotahi hoki ki ngā toi Māori. Tōna 40 tau a Te Ōtinga e mahi nei hei mātanga toi whakaari i te ao kiriata, whatārangi, whare tapere, me te pouaka whakaata, ā, i noho a ia hei Pou Ahurea Māori/Awhi Ākonga Māori i te rāngai Kura Tuatoru mo ētahi tau maha tonu.

Kua riro i a ia te tohu Te Pōkairua Haka a Tāne Rore a Te Wānanga Whare Tapere o Tākitimu, me te Tohu Paetahi Toi Tangata a Te Whare Wānanga o Awanuiārangi, i riwha ai ngā akoranga Iwi Taketake me te Tuhituhi Kaupapa Here.